Monday, June 15, 2009
بعض الضحك .. فقير
.
.
تبدو لي الحياة غير منصفة ، كاذبة و أنانية .. غبيّة و كلبة و حمارة .. تشبهنا .. و لا أستثنيني منها
مبكية إلى حد الضحك ، أو مضحكة إلى حد البكاء .. صورتان تخفيان شعورا واحد
يطرأ في البداية كـ فكرة .. و يترسب في النهاية كـ عبرة ، طرّية مبللة حتى تيبس
مثل كل شيء
!!
!!
أجلس قبالة صديق في مكان عام .. يتفرس هو في وجهي .. و أتفرسها أنا من الشباك
يصرخ فيني بصوت خفيض : انت وين رايح .. خل نخلص
.. : بنخلص يا بابا لا تحاتي .. كل شي يخلص
.. : أقول خل عنك "....." و لا تفلسف الأشياء
.. : تصدق انك تفهم
.. : من عمري أفهم ..انت حتى أغانيك تجيب الهم .. اسمع نانسي و مريام و قط الدنيا ورا ظهرك
.. : حتى مريام تفهم .. بس نانسي ترى ما أرضى عليها
.. : و متع ناظريك بالوجه الحسن
.. : تصدق يا فلان؟
.. : قول
.. : ما أعرف أطالع .. أنا إذا قلبي ما زاغ ،عيني ما تعرف تزوغ .. بطيء في كل شيء لكني متوغّل
.. : علينا؟
.. : لازم أحس الشيء ولا عمري ما راح انتبه له .. كيفك لا تصدق .. بعدين انت غير
.. : ليش بالله؟
.. : انت حلو و وسيم و جذاب
.. : ترى أصدق
.. : و عندك كاريزما .. أنا يمك صفر عـ الشمال .. أضيع
.. : يا حيوان .. لا تسوي لي أفلامك
.. : بذمتك ليما الحين كم وحدة اعجبت فيك؟
.. : والله العظيم؟
.. :تبيني أعدهم؟ أخلصك؟
.. : قول
.. : أنا أنا اللي جدامك .. أحبك حب من طرف واحد و حاط في قلبي و ساكت صار لي سنين!!ا
.. : لا تكفى ههههههه
و أطلق لا شعوريا ضحكة عالية في الهواء .. ثم سرعان ما تحط في صدري شعورا آخر : أنا ليش أضحك؟
صج .. احنا ليش نضحك؟ ..و على جروحنا و على أشد الأشياء إيلاما لنا .. نحورها إلى صور ساخرة
تماما كما نحور كل حقيقة مؤلمة .. ثم نتحينها في ضحكة أو قفشة .. ربما لأنها ضحكت منا كثيرا .. ربما
لأنها تخنقنا و صار لزاما علينا أن نتخلص منها .. دون أن يشعر بنا و بها أحد .. و بأقل التكاليف و الخسائر
!!
!!
أتمدد على فراشي حتى وقت متأخر .. و أتأمل في العتمة سقف الغرفة .. ليش ما عندي سما و قمر و نجوم؟
هذا الوضع خانق جدا .. تدخل شقيقتي إلى الغرفة : انت من صجك بتسافر؟
و أضحك ضحكة أخرى .. من صجك انتي .. و صوت في صدري يهمس : ليش .. انت موجود؟
.. : العالم كله أمراض بأمراض
.. :ا الناس كلها أمراض بأمراض
.. : حتى أمي مو راضية
.. : ربك الحافظ .. ليش تحسسيني اني رايح أموت؟
.. : انت ماكو فايدة فيك
.. : مشكورين وايد والله .. و حبتكم العافية
صج .. أنا ليش بأسافر؟
أستغرب مني كلما تذكرت .. كل شيء تم بإصرار و على عجل و في وقت متأخر جدا .. و من دون وعي .. لم أكن أنا بشدة
!!
!!
في وقت مبكر جدا .. يرن في هاتفي رقم مجهول .. أوووف منو هذا و شنو يبي .. أنا ما صدقت أنام
.. : نعم
.. : يصبحه بالخير .. تكفى يا ولد الحق علي
.. : فلان؟ عسى ماشر اشفيك
.. : الشاشة ترقص .. ألوان ألوان ألون
هذا من صجه و لا يتغشمر .. أبي استوعب .. هذا يبي يصيبني بتخلف تالي العمر و لا شنو؟
.. : الله يهداك .. هذا و انت لحيتك لي سرتك و شاشتك ترقص
.. : انت رايق؟
.. : أنا؟ يرحم لي والديك .. شوف يمكن واحد من العيال مطيح اللاب توب أو شي
.. : يمكن فايروس
.. : خلني أنام .. و إذا صحيت أقول لك
.
.
أغفو قليلا .. يرن هاتفي مرة أخرى و رقم آخر غريب
.. : ألو بابا انت وين ما يجي؟
.. : منو انت؟
.. : أنا بابا أمين سوي شاي نسكافيه في شغل
.. : هلا بابا .. أنا في اجازة امين
.. : أنا يقول يمكن انت فيه مشكل مو تمام
.. : آه يا أمين .. تكفى لا تعور قلبي
.. : هااا؟
.. : و لا شي .. مشكور بابا .. سلام
.
.
صديق يتصل
.. : ها بعد .. عسى ما وحشتك انت بس؟
.. : انت وينك؟
.. : حتى أمين الـ تي بوي يقول لي انت وينك .. تكفى بس
.. : حتى أمين .. شفت اشلون انت غالي و كارم الناس بعطفك .. ما تشوفها تشتاق لك
!!
آهـ
ضحكت بعدها كثيرا .. ضحكت بشدة
!!
!!
.
تبدو لي الحياة غير منصفة ، كاذبة و أنانية .. غبيّة و كلبة و حمارة .. تشبهنا .. و لا أستثنيني منها
مبكية إلى حد الضحك ، أو مضحكة إلى حد البكاء .. صورتان تخفيان شعورا واحد
يطرأ في البداية كـ فكرة .. و يترسب في النهاية كـ عبرة ، طرّية مبللة حتى تيبس
مثل كل شيء
!!
!!
أجلس قبالة صديق في مكان عام .. يتفرس هو في وجهي .. و أتفرسها أنا من الشباك
يصرخ فيني بصوت خفيض : انت وين رايح .. خل نخلص
.. : بنخلص يا بابا لا تحاتي .. كل شي يخلص
.. : أقول خل عنك "....." و لا تفلسف الأشياء
.. : تصدق انك تفهم
.. : من عمري أفهم ..انت حتى أغانيك تجيب الهم .. اسمع نانسي و مريام و قط الدنيا ورا ظهرك
.. : حتى مريام تفهم .. بس نانسي ترى ما أرضى عليها
.. : و متع ناظريك بالوجه الحسن
.. : تصدق يا فلان؟
.. : قول
.. : ما أعرف أطالع .. أنا إذا قلبي ما زاغ ،عيني ما تعرف تزوغ .. بطيء في كل شيء لكني متوغّل
.. : علينا؟
.. : لازم أحس الشيء ولا عمري ما راح انتبه له .. كيفك لا تصدق .. بعدين انت غير
.. : ليش بالله؟
.. : انت حلو و وسيم و جذاب
.. : ترى أصدق
.. : و عندك كاريزما .. أنا يمك صفر عـ الشمال .. أضيع
.. : يا حيوان .. لا تسوي لي أفلامك
.. : بذمتك ليما الحين كم وحدة اعجبت فيك؟
.. : والله العظيم؟
.. :تبيني أعدهم؟ أخلصك؟
.. : قول
.. : أنا أنا اللي جدامك .. أحبك حب من طرف واحد و حاط في قلبي و ساكت صار لي سنين!!ا
.. : لا تكفى ههههههه
و أطلق لا شعوريا ضحكة عالية في الهواء .. ثم سرعان ما تحط في صدري شعورا آخر : أنا ليش أضحك؟
صج .. احنا ليش نضحك؟ ..و على جروحنا و على أشد الأشياء إيلاما لنا .. نحورها إلى صور ساخرة
تماما كما نحور كل حقيقة مؤلمة .. ثم نتحينها في ضحكة أو قفشة .. ربما لأنها ضحكت منا كثيرا .. ربما
لأنها تخنقنا و صار لزاما علينا أن نتخلص منها .. دون أن يشعر بنا و بها أحد .. و بأقل التكاليف و الخسائر
!!
!!
أتمدد على فراشي حتى وقت متأخر .. و أتأمل في العتمة سقف الغرفة .. ليش ما عندي سما و قمر و نجوم؟
هذا الوضع خانق جدا .. تدخل شقيقتي إلى الغرفة : انت من صجك بتسافر؟
و أضحك ضحكة أخرى .. من صجك انتي .. و صوت في صدري يهمس : ليش .. انت موجود؟
.. : العالم كله أمراض بأمراض
.. :ا الناس كلها أمراض بأمراض
.. : حتى أمي مو راضية
.. : ربك الحافظ .. ليش تحسسيني اني رايح أموت؟
.. : انت ماكو فايدة فيك
.. : مشكورين وايد والله .. و حبتكم العافية
صج .. أنا ليش بأسافر؟
أستغرب مني كلما تذكرت .. كل شيء تم بإصرار و على عجل و في وقت متأخر جدا .. و من دون وعي .. لم أكن أنا بشدة
!!
!!
في وقت مبكر جدا .. يرن في هاتفي رقم مجهول .. أوووف منو هذا و شنو يبي .. أنا ما صدقت أنام
.. : نعم
.. : يصبحه بالخير .. تكفى يا ولد الحق علي
.. : فلان؟ عسى ماشر اشفيك
.. : الشاشة ترقص .. ألوان ألوان ألون
هذا من صجه و لا يتغشمر .. أبي استوعب .. هذا يبي يصيبني بتخلف تالي العمر و لا شنو؟
.. : الله يهداك .. هذا و انت لحيتك لي سرتك و شاشتك ترقص
.. : انت رايق؟
.. : أنا؟ يرحم لي والديك .. شوف يمكن واحد من العيال مطيح اللاب توب أو شي
.. : يمكن فايروس
.. : خلني أنام .. و إذا صحيت أقول لك
.
.
أغفو قليلا .. يرن هاتفي مرة أخرى و رقم آخر غريب
.. : ألو بابا انت وين ما يجي؟
.. : منو انت؟
.. : أنا بابا أمين سوي شاي نسكافيه في شغل
.. : هلا بابا .. أنا في اجازة امين
.. : أنا يقول يمكن انت فيه مشكل مو تمام
.. : آه يا أمين .. تكفى لا تعور قلبي
.. : هااا؟
.. : و لا شي .. مشكور بابا .. سلام
.
.
صديق يتصل
.. : ها بعد .. عسى ما وحشتك انت بس؟
.. : انت وينك؟
.. : حتى أمين الـ تي بوي يقول لي انت وينك .. تكفى بس
.. : حتى أمين .. شفت اشلون انت غالي و كارم الناس بعطفك .. ما تشوفها تشتاق لك
!!
آهـ
ضحكت بعدها كثيرا .. ضحكت بشدة
!!
!!
